Poslovne vijesti - Makedonija

Германска компанија за електроника отвора фабрика во Велес

Германска компанија наскоро ќе отвори фабрика за електроника во Велес, со што ќе се отворат околу 600 нови вработувања.

Инвестицијата ја најави премиерот и лидер на ВМРО-ДПМНЕ, Никола Груевски, на завчерашниот митинг на коалицијата „За подобра Македонија“ на плоштадот Македонија во Скопје.

- Министерот Веле Самак ме информира дека со успех завршиле преговорите со еден германски гигант и дека тие планираат наскоро нова фабрика кај Велес за електроника во која ќе вработат нови 600 невработени луѓе - рече Груевски.

Говорејќи за поволната економска клима во државата и за рангирањето на Македонија според Светска банка, Груевски рече дека со конкретни дела досега биле привлечени голем број инвеститори како „Џонсон Kонтролс”,„Џонсон Мети”, „Kемет електроникс”, „Kромберт и Шуберт“ и други.